علاقة شاذة السبب.. المتهم باختطاف نجل وزير أسبق يفاجئ الجميع خلال التحقيقات… خاص

كشفت التحقيقات في واقعة اختطاف ع. ح، نجل وزير أسبق، تفاصيل مثيرة بشأن واقعة اختطافه بالتحايل والإكراه، إذ تبين وجود علاقة صداقة بين المجني عليه والمتهم الأول عرف من خلالها المتهم أن الضحية ميسور الحال، فشكل مع باقي المتهمين تشكيلًا عصابيًا مكونًا من 10 أشخاص لاختطافه.

تفاصيل مثيرة حول اختطاف نجل وزير أسبق

القاهرة 24 حصل على نص التحقيقات في واقعة الاختطاف الشهيرة التي وقعت في أكتوبر، في القضية رقم 11917 لسنة 2023، والمقيدة برقم 2233 لسنة 2023 كلي أكتوبر.

وفي اعترافات المتهم الأول محمد حمدي في القضية ويعمل مدرب كمال أجسام أمام جهات التحقيق قال إنه يعمل جلسات مساج خاصة وعندما اكتشف ميول نجل الوزير الأسبق الأخرى قرر مساومته عن طريق تسجيل محادثات صوتية ولقطات شاشة للاستيلاء منه على مبالغ مالية، قائلا: وافقت على حوار المساج ده بعد ما قولت أنا أساومه وأبعتله الإسكرينات والفويسات اللي معايه وأخد منه فلوس وبعدها أنا اتفقت مع ناس أصحابي في أحمد عرابي وأوهمه إني همارس معاه حاجة وبعدها أساومه وأخد منه فلوس.

وأضاف المتهم الأول في واقعة اختطاف نجل وزير أسبق: وبعدها قالي إنه فضى الفيلا وأنا أروحله أحسن وأنا ساعتها روحتله الفيلا وهو طلع ذي كل مرة أخدني بالعربية بتاعته من برا الكومباوند ودخلني جوه وأنا كنت متفق مع اللي كانوا معايا إني هدخل وأشرب معاه المرة دي علشان نعرف نطلعه برة الفيلا ولما دخلت معاه الفيلا عملتله مساج وبعدها قام من على السرير شدلي البنطلون وعمل فعل مخل وبعدها دخلت أخدت حمام عنده وطلعنا وهو شغل التليفزيون وقعدنا نتفرج عليه وشربنا خمرة من إزازة كان جايبها وبعد لما شربنا دخلنا البلكونة قعدنا شويه.

واستكمل المتهم الأول اعترافاته أمام جهات التحقيق، قائلا: وبعدها أنا قولتله تعالي وصلني علشان أروح ونزلنا وأنا قولتله أنا نفسي أركب المرسيدس وهو طلع العربية المرسيدس وأنا اللي سوقت العربية وهو ركب جنبي وطلعت علشان يطلبلي أوبر علشان أروح وأنا كنت متفق مع الناس اللي كانت معايا ويعملو أنهم بيخطفونا علشان ميشكش في حاجة وفعلا لما ركنت العربية لقيتهم جم بالعربية الكيا ونزل منها علي ومحمد عنتر، وعلي نزل علشان يسوق ومحمد عنتر ركب جنبنا ورا وتحركنا على بيت عبد الله اللي في بشتيل علشان كان فيه كمين ومش هنعرف نسافر بيه طنطا.