بسمة داود: كنت مش فاهمة حاجة وقت تصوير مسلسل ملوك الجدعنة| فيديو

تحدثت الفنانة بسمة داود، عن مسلسل ملوك الجدعنة، بطولة الفنان مصطفى شعبان، والذي شاركت في بطولته خلال عام 2021، مشيرةً إلى إنها لم تكن ناضجة بما يكفي حينها.

بسمة داود: دوري في ملوك الجدعنة توفيق من ربنا

وقالت بسمة داود خلال ندوتها مع القاهرة 24: كل اللي حصل في مسلسل ملوك الجدعنة ده توفيق من ربنا، من أول ترشيحي لحد التصوير وانتهائه، ووقت المسلسل من 3 سنين كنت هبلة ومش فاهمة حاجة، ومكنتش فاهمة شغلانة التمثيل.

وأشارت بسمة داود، إلى إنها حضرت العديد من ورش التمثيل، وكان كثير منها نصب، قائلة: مفيش يوم بيعدي عليا مش بيكون في جديد ودايما بتطور، وخدت ورش تمثيل كتير اللي فيها نصب واللي مفيهاش.

وسبق وكشفت بسمة داود عن تفاصيل لجوئها إلى طبيب نفسي بسبب تعرضها لأزمة كبيرة في فترة ما من حياتها، مشيرة إلى أنها بعد الزواج لم تحتاج إلى طبيب نفسي، مستكملة: أنا كنت بروح لدكتور نفسي قبل الزواج، وده بسبب أن أوقات الإنسان بيحس أنه مش مبسوط وفي حاجات بتحصل في حياته وحاجات تخليه مبسوط، بس بيبقى في أسباب بتمنع انبساط الشخص، ولجأت لدكتور نفسي لأسباب معينة وبعدها مروحتش تاني، وأوقات الضغط الكتير بيتعب نفسيًا وأوقات بتبعد الشخص عن أنه يدخل في حالة نفسية، وأنا بحس بالاكتئاب لما بقعد في البيت.

مسلسل ملوك الجدعنة

وفي سياق مختلف، عرض مسلسل ملوك الجدعنة في موسم رمضان لعام 2021، بطولة كل من الفنان مصطفى شعبان، عمرو سعد، ياسمين رئيس، دلال عبد العزيز، عمرو عبد الجليل، وغيرهم، والعمل من إخراج أحمد خالد موسى.