من هم المطففين ؟ ... بقلم محمد حلمي
( ويل للمطففين ) ليست على البائع اللى بيغش فى الميزان ويدى الناس أقل من حقهم فقط
لكن هل ده بس معنى المطففين ؟ لا
يعنى إيه مطفف ؟
التطفيف مشتق من الشىء الطفيف الذى لا يهتم به الناس لقلته يعني مثلا ينقص البائع خمسين جراما فقط من كيلو جرام ، هو شئ بسيط وقليل لكن ربنا توعده بسورة خاصة في القرآن
من هم المطففين ؟
(الذين إذا اكتالوا على الناس يستوفون . وإذا كالوهم أو وزنوهم يخسرون)
يعنى اللى بياخدوا حقهم من الناس كامل ،
وإذا حصل العكس يبخسوا حقوق الناس
الآية لا تنطبق على البائعين فقط لا بل كل من لا يعطي الناس حقوقهم ولا يؤدي عمله بخلاص ويمكن يكون والله اعلم ...
المطفف ممكن يكون زوج عايز حقه كامل من زوجته ومعندوش تهاون فى أى تقصير منها ، لكن فى المقابل ممكن عادى يظلمها ويبخسها حقها
المطفف ممكن يكون مدرس بياخد مرتبه كامل فى نهاية كل شهر لكن طول الشهر مش بيراعى ضميره في الشرح ولا فى مواعيد الحضور والانصراف
المطفف ممكن يكون شخص عايز كل قرايبه يهتموا به ويسألوا عنه ، وهو قاطع رحمه
المطفف هو كل شخص مش بيتقى الله فى أى عمل بيعمله وفى نفس الوقت عايز حقه من ربنا كامل
الآية لازم تخلينا نفكر ..
هل كل واحد فينا بيراعي ضميره في عمله وحياته وعلاقاته مع الناس ؟ .. هل يدخل أحدنا فى زمرة المطففين وهو مش واخد باله ؟
"ويلٌ للمطفِّفين • الذين إذا اكتالوا على الناس يستوفون • وإذا كالوهم أو وزنوهم يخسرون"