الطفلة رودينا التي احتضنها الرئيس اثناء زيارته لسدس في بني سويف كان حلم حيااتي مقابلة الرئيس

بني سويف : محمد عبدالحليم
أثناء زيارة الرئيس عبدالفتاح السيسي لمحافظة بني سويف وتحديدا في قرية سدس الامراء مركز ببا وفي مشهد إنساني أشار الرئيس السيسي وسط الحشود التي كانت في استقباله، إلى طفلة وقال: تعالي تعالي البنت دي.. بتعيطي ليه ليدور بينهما حوار مدته لا تتعدى الثواني ثم يقبل رأسها ويطلب من الحضور التصفيق لها.

وفي لقاءنا مع الطفلة تعرفنا عليها وروت الطفلة رودينا فتحي البالغة من العمر 11 عاما وابنه قرية سدس الأمراء التابعة لـ محافظة بني سويف، كواليس لقائها بالرئيس السيسي، قائلة: كنت عارفة إنه جاي والصبح كنت متفقة مع جيراني إن أروح معاهم مكان الاحتفالية ولكن مشيوا وسابوني، وأنا روحت وراهم لوحدي ودخلت ومكنتش عارفة استلم الفيست الخاص بالمبادرة بسبب الزحمة، ولكن صديق أخويا جابلي واحد.
وأضافت الطفلة رودينا: أول ما دخلت فرحت جدًا ووقتها قلت لنفسي الريس مش هياخد باله مني مع إني كنت واقفة في الأول.. بس أول ما نده عليا روحت.. وأول ما شوفته فرحت وعيطت من فرحتي برؤيته.. وأتمنى أشوفه مرة تانية وتكون في بني سويف تاني، مضيفة: كل صحابي بيسألوني ليه كنتي بعيط وأنا بسلم على سيادة الريس.

ومن جانبه، قال والد الطفلة رودينا فتحي، التي التقت بالرئيس عبد الفتاح السيسي صباح اليوم في أثناء زيارته لمحافظة بني سويف عرفت من الناس إن بنتي قابلت الريس وسلمت عليه وبعد كده شوفتها في التليفزيون، هو جبر بخاطرها لأن هي بتحبه هي وأخواتها كلهم.
وأوضح والد الطفلة: رودينا بقالها 3 أيام بتروح مع المتطوعين ضمن مبادرة حياة كريمة، وكانت فرحانة بزيارة الرئيس لمحافظة بني سويف النهاردة، وكانت بتستعد مع المتطوعين للزيارة لدرجة إنها تأثرت بالشمس والحر والزحمة، ولكن هي كانت سعيدة بيه وكانت تقولي أنا هشوفه وأسلم عليه ولازم أحضر دا الريس جاي من القاهرة لحد عندنا.
وأضاف والد الطفلة رودينا: الريس حس بيها ولاحظ بكائها ونده عليها، ورودينا وأخواتها كلهم بيحبوا الرئيس والبلد وحريصين على حضور كل المحافل والمناسبات الوطنية، ودايمًا داعمين للرئيس السيسي ولمصر.