شقيقة طليق بوسي: كنا بنلم ونعمل جمعيات عشان ننتج لها أغاني
علقت شقيقة وليد فطين، طليق المطربة بوسي، على تصريحات محامي الفنانة الأخيرة بشأن عدم إنتاج الراحل لها أغنية طوال فترة حياته، وأنها حققت الشهرة والنجومية بجهودها الخاصة ولم يساعدها أحد في الوصول إلى ما هي عليه الآن.
وقالت شقيقة وليد فطين في تصريحات صحفية، لم أقاض بوسي حتى الآن بسبب اللي عملته في أخويا وليد لأني مش عايزة أدخل في مشاكل معاها وخصوصًا اللي كان بيني وبينها مات.
وتابعت شقيقة وليد فطين: زعلت جدًا لما محاميها طلع وقالي كل الخير اللي عملته كان من فلوسها، إزاي وأنا معايا صورة ليها لما كانت مش لاقية، وكنا بنلم من بعض وبنعمل جميعات علشان نعملها أغنيتين وثلاثة.
وترجع بداية القصة عندما اتهمت شقيقة المنتج الراحل وليد فطين، طليقته بوسي بقتل شقيقها، إذ أكدت أن الراحل مات قهرًا بسبب ما فعلته معه بوسي، حيث أشارت إلى أن الأخيرة لفقت له تهمًا زورًا، من أجل الحصول على أمواله، هذا بجانب حبسها له.
وقالت شقيقة وليد فطين، فى أول تعليق لها بعد وفاة شقيقها: بوسي هي اللي موتته، أخويا مماتش بـ كورونا هي السبب في تدميره، ربنا ينتقم منها حسبي الله ونعم الوكيل فيها، حاولت كتير أبعدها عنه لكن معرفتش.
واستكملت شقيقة وليد فطين: لو بوسي كانت إدت له حقه، من حق حفلة واحدة بتعملها كل سنة مرة، مكنش مقهور بسببها، هي متعرفش ربنا، دي حتى ممشيتش في جنازة أبوها، حسبي الله ونعم الوكيل، كله عند ربنا.
