ويزو: أنا أم رخمة جدًا.. وسميت بنتي مسك بسبب فيلم حامل اللقب

كشفت الفنانة ويزو عن السبب الرئيسي وراء اختيار أسماء أبنائها إسماعيل ومسك، إذا أشارت إلى أنها عند علمها بحملها بـ بنت لم يأتي في بالها غير أسماء الراقصات فقط.

وتحدثت ويزو خلال لقائها مع القاهرة 24 قائلة: سميت ابني اسماعيل بسبب إني حلمت إن جوزي مديني سلسلة مكتوب عليها إسماعيل موضحة: سميته على اسم سيدنا إسماعيل عشان اللي عرفته إن الولاد ليهم نصيب من اسمهم في الدنيا وأنا نفسي يبقى بار بيا في المجتمع المخيف اللي احنا عايشين فيه وأنا مش هعيشله عمري كله، لأن أنا أم رخمة وصعبة ولو حاطط رجله بقوله نزلها وحتى لو طفل صغير.

ويزو: أنا أم رخمة جدًا.. وسميت بنتي مسك بسبب فيلم حامل اللقب

أما عن السبب وراء اختيار اسم ابنتها مسك قالت: لما عرفت إني هجيب بنت جه في بالي كل أسماء الراقصات وكنت عاوزة أسميها لؤلؤ، أو غزال، وجوزي قالي ده مش اسم بنت دا الليلة وكل ليلة مع أمتع الراقصات، واحنا بنفتح فيلم حامل اللقب بالصدفة بتاع هشام ماجد ودينا الشربيني واحد بيسأل دينا الشربيني اسمك ايه قالتله اسمي مسك شريف قولتله دي إشارة يمارد احنا هنسميها مسك شريف.

أعمال ويزو

وتنتظر ويزو عرض فيلم اللعب مع العيال ضمن موسم عيد الأضحى المبارك، والذي يشارك به مجموعة من الفنانين بجانب الفنان محمد إمام، ومن بينهم ويزو، مصطفى غريب، باسم سمرة، حجاج عبد العظيم، أسماء جلال، والعمل من تأليف وإخراج شريف عرفة.