نيللي كريم في أبرز تصريحاتها: مش هرد على كلام طليقي بشأن التمثيل.. وأختار أدواري حسب حالتي النفسية
تحدثت الفنانة نيللي كريم، عن الكثير من التفاصيل حول حياتها الشخصية، بجانب الكشف عن فيلمها الجديد الذي يحمل اسم هابي بيرث داي، رافضة الرد على تصريحات طليقها هشام عاشور.
ورفضت نيللي كريم الرد على ما قاله طليقها هشام عاشور، بشأن أنه لم يخرج أقصى إمكانيته الفنية حفاظًا على شكل نيللي كريم، قائلة: مش عاوزة أتكلم في الموضوع ده.
وبشأن اختيار أدوارها الفنية، قالت: أنا بختار الأدوار على حسب حالتي النفسية، وممكن يبقى عندي دراما في حياتي مش عاوزة أعيشها على الشاشة، وساعات العكس ومزاجية جدًا وممكن أرفض موضوع يبقى حلو جدًا بس أحس أنه مش هيبسطني.
نيللي كريم عن مخرجة فيلمها هابي بيرث داي
وعن فيلمها الجديد هابي بيرث داي، أوضحت نيللي كريم: الفيلم فكرة سارة جوهر ودي أول مرة تخرج وأنا متحمسة كتير للفيلم ده، والفيلم فيه حاجة مختلفة، وهي من المخرجين اللي بيعرفوا يختاروا الكادر، وفي ناس بتختار الأداء التمثيلي، وهي من المخرجين اللي بتختار الإحساس.
نيللي كريم تعلق عن العلاقات العاطفية
أما عن العلاقات العاطفية، ردت نيللي كريم: الظروف بتبقى صعبة وممكن يكون اتنين بيحبوا بعض بس محطوطين في ظروف وحشة، والعكس صحيح، وكل واحد ليه قصته المختلفة ومفيش حد شبه التاني.
وبشأن اكتشافها في الفن يرجع إلى الفنانة الراحلة فاتن حمامة، أوضحت: هي مكتشفتش إني كويسة في الفوازير هي خدتني وعملت معاها أول مسلسل وجه القمر، والذي كان أول عمل درامي ليا.
