د.شريف صلاح الدين يكتب ..خلينا نفهم صح ونتفكر في كلمات النبي صلى الله عليه وسلم ..

اللهم ارزقنا الصدق والصواب والإخلاص في الفكر والقول والعمل ..

يعني إيه أفشوا السلام بينكم ؟ !!

فقراء الفكر والدين .. فاكرين وفاهمين ..

إن إفشاء السلام هو المصافحة والاحضان ..

ومعاها كلمة .. السلام عليكم ورحمة الله وبركاته .. وخلصنا ..

كلمات سيد البشر صلى الله عليه وسلم ..

بتكلمكم على جو السلام .. مش شكل السلام ..

يعني ببساطة كده .. إفشاء السلام ..

يعني .. إنك تحفظ الناس من كل شر و سوء ..

لا غيبة ولا نميمة ولا أذية ولا إشاعات ..

ولا تنمر ولا تكبر .. ولا سف ولا تحفيل ولا هرتلة ع سوشيال ميديا ..

لما تيجي تقول لحد .. بلاش أحضان ولا حتى سلام بالإيد .. اليومين دول ..

تلاقيه بيقولك ..

يا عم إنت خايف من إيه ؟!!

فيروس إيه وكرونة إيه !!

سيدنا النبي صلى الله عليه وسلم بيقولك ..

أفشوا السلام بينكم !

قله على طول ..

إذا كنت فاهم من الحديث النبوي الشريف إن إفشاء السلام يعني السلام بالإيد ..

يبقى دلوقت بكل تأكيد ..

إفشاء السلام هو عدم السلام ..

لأن ده اللي هيحفظ كل اللي حواليك من الأذى وهو ده السلام الحقيقي ..

ويبقى إنت كده طبقت حديث النبي صلى الله عليه وسلم .. بمعناه الصحيح الشامل ..

أفشوا السلام بينكم ..

ولو أنت مصر تسلم بالإيد في الظروف دي ..

يبقى انت مخالف تماما لسنة الحبيب المصطفى العظيمة الخالدة ..

أفشوا السلام بينكم ..

اللهم ارفع مقتك وغضبك عنا ..

وعافنا واعف عنا وارحمنا ..

ولا تؤاخذنا بما فعل السفهاء منا ..

سنرحل جميعا ويبقى الأثر ..

فليكن أثرنا جميلا وعظيما ..