د  /  شريف صلاح الدين يكتب.. كرونا فرصة ذهبية  للتخلص من المخدرات الفكرية التي أنهكت الأمة

فينكم ..

يا دجالين .. يا مشعوذين ..

البشرية تحتاجكم بشدة الآن ..

يا من تدعون قدرتكم على تسخير الجان ..

و يا من أقنعتم الناس بقدراتهم في كل زمان ومكان ..

ده وقت الجد ..

اما أن تظهروا وتساعدونا بالجن بتاعكم ..
اللي هلكتونا بالكلام عن قوته و عمايله ..
أو تروحوا مزبلة التاريخ وتخلصونا منكم يا نصابين ..

الناس بتوع ..
شعرة من شنب الأسد .. وركبة النملة ..
واتصالات جلب الحبيب .. وأكل الزبيب ..

أصحاب الأعمال السفلية والعلوية والمهلبية ..

الآفاقين بتوع الكذب والخداع بإسم الدين ..

هاتوا أصحابكم من الجن والشياطين ..

وشوفوا لنا حل في هذا الفيروس اللعين ..

والا انتو ملكومش غير في النصب ع البني أدمين ..

محدش سامع لكم حس ولا انتو ..
ولا اللي بيطبلوا لكم رايحين جايين ..

هو الجن بتاعكم اللي كان بيعمل كل حاجة ..
حالته صعبة ليه دلوقت ومش عارف يروح فين ..
ولا ييجي منين ..

الجني بيقولك سامحوني المرة دي مش هعرف أساعدكم ..

أصل الفيروس بتاعكم مش ممكن تشوفه العين ..
وأنا جني على أدي وغلبان ومسكين ..
ومش جامد ومتين زي ما انتو فاكرين ..

كل ما في الحكاية إني ..
عايش على قفا المغيبين المغفلين ..
اللي خايفين ومرعوبين ..
و معندهمش ثقة ولا يقين ..
في رب العالمين ..