نصيحتي لكل البشر العقلاء

بقلم محمد حلمي
متجريش ورا حد ..
، ومتفكرش مين سأل ومين مسألش، ومين جدع ومين خذلك ومين ندل ، ومين قدامك حبيبك و ورا ضهرك بياكل في لحمك بالغيبة، حاول متدققش في التفاصيل و بص للحياه والناس اللي حواليك زي الموج اللي بيروح وييجي
كبر دماغك و عيش اللي باقيلك وسيبها على الله .
ملحوظه... ‏هتلاقي في حياتك ناس بتحاول تثبتلك إنك وحش أكتر ما بيحاولوا يكونوا هما كويسين ‏اللي شايفك احسن منه هيحاول دايماً يقل منك قدام الدنيا كلها.. وده طبعاً نقص وهيفضلو حاسين ب النقص دايما !!

وماتخليش الخذلان وقلة أصل اللي حواليك تضيع منك صفاتك الجميلة.. طبعا الخذلان صعب ومؤلم وبيكسر.. بس اتأكد إن اللي خذلك وبعد عنك خسرك مش انت اللي خسرت .. خليك زي ما انت انسى كل اللي فات وحب الخير للحواليك وادعم القريبين منك.. حرص بردو ما تأمنش لكل الناس.. والأهم إنك تبقى مع ربنا لأنك من غيره هتتعب ومش هتعرف تلملم اللي جواك بسهوله .. هتمر الأيام والحاجة اللي اتخذلت فيها هتلاقي ربنا بيراضيك فيها !!

ف ما تقلقش .. مفيش حُزن بيدوم
ولا وجع بيستمر
المشكلة اللي انت حاسس بيها دلوقتي إنها كبيرة .. هيعدي عليها وقت وتهون ..

من نعم ربنا علينا إن كتب علينا النسيان ..
ما تخليش حزنك وألمك عائق ليك .. بالعكس خليهم هما الطريق لبداية أحسن ..
أقسم بالله .. الشئ اللي تزعل عليه بجد.. هو تقصيرك انت مع ربنا.. لأن ربك اللي خلقك الوحيد اللي مهما دعيتله مش هيرفضك ولو بعدت هيقولك و هيبعتلك إشارات تنقذك من الهلاك وطرق الهلاك !! قول يارب بس لانك ليس لك رب سواه